مسجد اقصی اور فلسطینیوں پر حملے کے جواب میں حماس نے اسرائیل پر راکٹ کی بارش کردی
نیوز ایجنسی (ہم بھارت) پچھلے کچھ دنوں سے فلسطینیوں پر اسرائیلی ظلم و ستم کی خبریں منظر عام پر آرہی تھیں۔ اسرائیلی فوج کے ذریعے نماز کے دوران مسجد اقصی پر بھی حملہ کیا گیا تھا جس میں تین سو سے زائد فلسطینی زخمی ہونے کی اطلاع ہے۔ اس حملہ میں بہت سے فلسطینی مسلمان شہید بھی ہوئے۔
اس دوران حماس کی جانب سے اسرائیل کو بروز پیر شام میں 6 بجے تک مسجد اقصی فورا خالی کرنے کا الٹی میٹم دیا گیا تھا۔ اس کے بعد حماس نے اسرائیل پر راکٹ کی بارش کردی۔ یاد رہے کہ اسرائیل پر حملے کی ذمہ داری حماس نے قبول کرلی ہے۔ حاصل ہوئی تفصیلات کے مطابق حماس نے یہ حملہ ترکی اور ایران کے کہنے پر کیا ہے۔ اس حملے میں کتنے اسرائیلی زخمی ہوئے اور کتنوں کی موت ہوئی ہے اس کی تفصیل ابھی موصول نہیں ہو سکی۔
حماس نے بروز پیر شام 6 بجے تک اسرائیل کو مہلت دی تھی کہ اپنی فوج مسجد اقصیٰ سے نکال لے، ورنہ میزائل حملے کیلئے تیار رہے۔ مہلت گزرتے ہی غزہ سے 7 میزائل داغے گئے اور اسرائیل کا نمبر ون اینٹی میزائل تھاڈ سسٹم صرف ایک میزائل کو ناکارہ بنا سکا۔ دریں اثنا حرکة الجھاد الاسلامی نے بھی 30 میزاٸل داغ دیٸے۔ میزائل حملے سے صیہونیوں کا ’’یوم یروشلم‘‘ مارچ بھی تتربتر ہوگیا ہے۔
